茶茶GO (已結業)

如果有睇开我食评嘅人，就知道我好钟意去饮黑糖珍珠鲜奶，今日天气好冻，行过湾仔见到呢一间饮品店，就毫不犹豫入去叫咗一杯热珍珠鲜奶茶。另外见到有个雪柜放咗好多甜品，职员见我双眼发光系我等待嘅时候仲好热心咁样同我去介绍，所以最后我受唔住诱惑，决定买两个紫菜肉松小贝去试吓！先讲一下杯热饮，拎上手嘅温度适中并不烫手，其次珍珠几好咬口，但略嫌珍珠有时会痴住，未能做到每一啖都系一粒粒嘅感觉～茶底都带有轻微回甘，不过就入唔入我心目中头三甲嘅位置。甜品方面，餐厅讲明即日制造，食落都觉得系既，小贝外层好脆口，肉松和紫菜都有炸过，内层蛋糕都算松软，中间更加上咸蛋黄酱，层次感做得唔错，但略嫌小贝的蛋糕未够湿，做唔到入口软绵绵，而且定价有小小贵（20/2件），试过一次就够啦！都明白而家做饮品店嘅市道唔系太好，所以都10分欣赏餐厅提供更多元化嘅选择！