Coffee Jobs (已結業)

旺角cafe众多，要突围真系唔易。Coffee jobs虽然主打咖啡，但咸食同小食既选择都唔少。 黑椒蜜糖鸡翼 $58鸡翼大人细路都钟意食。鸡翼焗得皮脆肉嫩，面头蜜糖烤得焦香，香甜可口。肉质亦够滑。柠香带子意粉 $118柠香意粉用上忌廉汁，好香滑。忌廉都算好杰身creamy，但唔太食得出柠檬。意粉质地软硬适中，口感唔错。带子就略嫌唔够爽口。 香辣车打汉堡 $128汉堡份量好大，塞满超足料。汉堡扒好厚身，肉质略为干身，但牛肉味香浓。包身松软但唔够香口。汉堡包夹住半溶既车打芝士同蛋黄酱，香口惹味。配上薯条同沙律菜饱肚感十足。 柠檬挞新推出既柠檬挞清新怡人。面头放上蛋白霜，口感轻盈，中和柠檬挞既酸味。柠檬酱调得比较酸，食落无咁腻。可惜挞底太硬，无左挞皮松化既口感。 苹果挞 苹果挞放上牛油脆粒同肉桂粉烤焗，非常香口。苹果肉焗得软身，带出自然既甜味，同肉桂粉好夹。可惜牛油粒同挞皮同样比较硬身，如果更松软更重牛油香就好。