影片
更多
2023-03-05
195 浏览
🌟餐厅：Maison Gaia📍地址：尖沙咀梳士巴利道18号Victoria Dockside K11 Musea5楼503号舖💰价位：～$400 - $800⏰营业时间：星期一至日 12:00 - 00:00📱电话：2890 1820系尖沙咀做完野，约埋best fd 去K11 Musea行街顺便揾个地方dinner。佢一早就book咗呢间Maison Gaia，餐厅环境昏暗，装潢富心思，好有情调， 私隐度又够高。好岩情侣撑枱脚或者朋友食饭倾计～🌟All you can eat buffet bar🌟餐厅主打西式扒类及海鲜主食，如惠顾主食，仲可以免费任食半自助沙律、头盘及甜品区，性价比好高，即刻介绍比大家睇吓有咩食～🔹沙律吧沙律菜超多选择，有齐菠菜、火箭菜、羽衣甘兰、椰菜等等，款式够哂多，而且沙律酱汁有成5-6 款，超正～配料方面一样多不胜数，包括粟米、蕃茄仔、红腰豆、面包粒、红菜头及青瓜等等，总有一款啱心水🔹芝士提供4-5 款选择，包括我既最爱Brie，几款芝士味道奶味浓郁，做前菜一流🔹Cold cut有几款唔同age既Parma Ham同Salami，用黎搭配沙律同蜜瓜一齐食，好
📍地址：尖沙咀梳士巴利道18号Victoria Dockside K11 Musea5楼503号舖
💰价位：～$400 - $800
⏰营业时间：星期一至日 12:00 - 00:00
📱电话：2890 1820
系尖沙咀做完野，约埋best fd 去K11 Musea行街顺便揾个地方dinner。佢一早就book咗呢间Maison Gaia，餐厅环境昏暗，装潢富心思，好有情调， 私隐度又够高。好岩情侣撑枱脚或者朋友食饭倾计～
🌟All you can eat buffet bar🌟
餐厅主打西式扒类及海鲜主食，如惠顾主食，仲可以免费任食半自助沙律、头盘及甜品区，性价比好高，即刻介绍比大家睇吓有咩食～
🔹沙律吧
沙律菜超多选择，有齐菠菜、火箭菜、羽衣甘兰、椰菜等等，款式够哂多，而且沙律酱汁有成5-6 款，超正～配料方面一样多不胜数，包括粟米、蕃茄仔、红腰豆、面包粒、红菜头及青瓜等等，总有一款啱心水
🔹芝士
提供4-5 款选择，包括我既最爱Brie，几款芝士味道奶味浓郁，做前菜一流
🔹Cold cut
有几款唔同age既Parma Ham同Salami，用黎搭配沙律同蜜瓜一齐食，好夹～
🔹寿司
特别提供几款日式卷物寿司同埋蟹柳、青瓜、玉子小卷，卖相同质素都好高！
🔹汤:
今日呢款系南瓜忌廉汤，南瓜味好浓郁好鲜甜，加埋忌廉，饮落好creamy
🔹生果及甜品
哈蜜瓜、蜜瓜、西瓜及菠萝都有供应，几款都鲜甜又多汁，食完主菜记得食返几件帮助消化～
甜品区令人惊喜，款式够哂多，有齐蛋糕、cheesecake、Macaron及Tiramisu 等等，每款细细件，可以试多几款唔同～我地就最钟意Macaron，口味多之余唔会太甜～
———————————————————
Main Course
其实食完个半自助bar已经好饱haha~所以呢度既性价比真系好高！
🔹香煎挪威三文鱼配时令蔬菜
呢份香煎挪威三文鱼卖相精致，三文鱼煎至外皮焦脆，肉身嫩滑多汁，啖啖鱼肉，好满足～配菜仲有香烤蕃茄仔及菠菜，酱汁就用上忌廉白汁，搭配鱼肉一齐食，更加滋味～
🔹香煎美国肉眼扒配烤西班牙乳猪
呢个主菜大推！上菜前，店员仲会拎出刀盘比我地拣扒刀，够哂窝心又有诚意～
肉眼扒好大块而且厚度适中，煎至7成熟，肉身粉嫩多汁，高质！西班牙乳猪超好食！！外皮薄得黎又好脆，食落肉质松软，夹杂乳猪脂肪，入口即溶，相当出色！而且店员仲推介松露盐比我地配搭牛扒，有助提升牛肉既甜度，抵赞～
———————————————————
Coffee
🔹Espresso
🔹Earl Grey Tea
食饱之后，我地慢慢叹埋Espresso 同 Earl Grey Tea，舒舒服服咁坐下同倾下计，好写意～
———————————————————
😋味道：4/5
🏢环境：4/5
💁🏻♀️服务：4.5/5
💵价钱：4/5
🤟🏻性价比：4/5
———————————————————
👅整体小总结
呢间餐厅既环境、装修、服务及食物质素都好高质～餐厅两边墙身用上投影，播放世界各地地标既夜景衬托，而且座位以Sofa 为主，配合昏喑灯光，氛围一流，够哂舒适！
食物方面，主菜及半自助区食物种类够哂多元化，性价比好高～另外店员亦好有礼貌及专业，细心介绍餐牌，好亲切，抵赞！
张贴
