Boat Thai

营业中

休息中

好钟意食泰国菜嘅我，又去咗「Boat Thai」食晚饭，今次试下其他菜式先。*此餐厅收取加一服务费。凤尾虾炒金边粉（单点$88），凤尾虾肉质爽口，味道鲜甜，金边粉口感干湿适中，味道甜酸，配以青柠汁、花生碎、辣椒粉食用，味道正宗，配料包括有芽菜、豆干、鸡蛋、香葱。太阳蛋炒香叶肉碎饭（单点$78），肉碎份量多，肉质半肥瘦，味道咸香带辣、带有香叶味道，捞饭一流，将太阳蛋整碎后，喺肉碎饭中食到鸡蛋嘅蛋香味道，简直系升华咗个整体味道。泰式青木瓜沙律（单点$78），好足料，内有青木瓜、红萝卜、豆角、花生、生菜，味道酸辣，配以樱花虾食用，味道咸鲜。炸虾饼（单点$58），即叫即炸，口感外酥脆内弹牙，食落有鲜味，配以泰式甜辣酱食用，味道更佳。泰式菠萝刨冰（单点$38），采用新鲜菠萝鲜榨，味道清甜带酸，饮落好清爽。泰式奶茶（单点$25），茶味浓香，甜度适中。