PizzaExpress (奧海城三期)

营业中

休息中

今日去咗奥海城玩具反斗城，因为喺第三期，所以就集中去第三期揾食。我都好耐未试过去PizzaExpress食晚餐，今日就同屋企人去试吓。我哋喺餐牌拣咗一个意粉，一个Pizza，同埋甜品。第一个主菜系肉酱千层阔面，呢个主菜真系要俾100分，面质好靓，仲有好多肉酱，食每一啖都觉得好幸福。蜜糖鸡肉pizza，鸡肉配上车厘茄再加上芝士，真系超级match。之后就系心太软，依个就非常失望。原本餐牌写明配云呢拿雪糕，但系上碟系朱古力雪糕，当朱古力蛋糕遇上朱古力雪糕同埋朱古力酱，真系非常甜，系甜到要一路饮水𠮶种，所以依个非常失望。不过座位真系好宽敞，我哋5:30去到，俾咗一张四人梳化位我哋，真系坐得好舒服。