影片
更多
2009-06-26
22 浏览
行过呢度发现开咗间新料理，始终无机会试吓！今日同CK专登行黎试一试 ！12：00无订位，不过带位妹妹话 一点交回台就可以，终于可以试吓！一坐低，一位女服务员送上两杯茶，说时迟那时快，一位男服务员又递上两杯唔知咩冻饮，立即走人！我立刻追问下才知道这是加送的饮品『柚子蜜』。其实好感谢，但可以亲切啲，客人未黎过，真系唔知发生咩事架！等我仲以为拎错台，同佢讲仲未ORDER，真面懵！什锦天妇罗定食 ~ ＄98天妇罗包括两只虾，茄子，蕃薯，日本南瓜，鲜冬菇，共 6件颇新鲜，不油之余非常脆，一流之作！西京银鳕鱼定食 ~ $88银鳕鱼煎的好香，肉质很嫰滑，且味带有很鲜甜的鱼香，可惜份量太少，唔系几满足，嘻嘻！两个定食均附上：两小件醋渍青瓜，系用上厚肉日本青瓜，唔太酸味道刚好。另两小片日本萝卜，普遍货色！另有汤一碗，味道浓郁中有几粒滑豆腐，跟一般用面豉汤粉开的无差，因为饮完碗里还有著未完全溶掉的汤粉粒！还有饭一大碗，系就系用上日本珍珠米，但米质非常差，无饭味就唔在讲，狠批一定系平价米。饭硬到入唔到口，于是跟服务员反映一下，点知佢两个即时黑面当睇唔到，跟著有个制服似是经理的人走过，跟他再讲此情况后，后来更
12：00无订位，不过带位妹妹话 一点交回台就可以，终于可以试吓！
一坐低，一位女服务员送上两杯茶，说时迟那时快，一位男服务员又递上两杯唔知咩冻饮，立即走人！我立刻追问下才知道这是加送的饮品『柚子蜜』。其实好感谢，但可以亲切啲，客人未黎过，真系唔知发生咩事架！等我仲以为拎错台，同佢讲仲未ORDER，真面懵！
什锦天妇罗定食 ~ ＄98
天妇罗包括两只虾，茄子，蕃薯，日本南瓜，鲜冬菇，共 6件颇新鲜，不油之余非常脆，一流之作！
西京银鳕鱼定食 ~ $88
银鳕鱼煎的好香，肉质很嫰滑，且味带有很鲜甜的鱼香，可惜份量太少，唔系几满足，嘻嘻！
两个定食均附上：
两小件醋渍青瓜，系用上厚肉日本青瓜，唔太酸味道刚好。
另两小片日本萝卜，普遍货色！
另有汤一碗，味道浓郁中有几粒滑豆腐，跟一般用面豉汤粉开的无差，因为饮完碗里还有著未完全溶掉的汤粉粒！
还有饭一大碗，系就系用上日本珍珠米，但米质非常差，无饭味就唔在讲，狠批一定系平价米。饭硬到入唔到口，于是跟服务员反映一下，点知佢两个即时黑面当睇唔到，跟著有个制服似是经理的人走过，跟他再讲此情况后，后来更换了一个加水再煮到湿立立的饭一碗。真系唔知俾咩反应先啱！
这个价钱只有主菜撑得吓场，唔系几抵食！
不得不提一件事，本觉得带位这位妹妹仔几友善，但食食吓听到佢几次D客一行开就骂D客，『顶你个肺，叫佢坐呢度又专登坐第度』『都话未黎，仲要行入去唔知睇咩！』唉 … … 话哂都系客人，即系佢米饭班主，个客自己听唔到，其他客都听到，第日仲黎俾你骂咩！
随咗食物之外，如果想客似云来，认真要教吓出面位妹妹仔嘅代客之道，或者干脆换个个人吧！咁样系门口赶客真系牙烟，几好食都死啦！
更何况 … … 问题最大唔系食物，而是服务态度最难顶！真系要好好检讨检讨！
张贴