ZAKS (已結業)

六个人走左入去愉景湾，见 ZAKS 可以睇到廸士尼烟花，咁就试下啦﹗叫左几样野，觉得佢偏向浓味 zaks nachos: 粟米片够多，但酱料一般，觉得佢唔够酸唔够惹味，同埋侧边的烘㶶了。如果再加多少少肉酱会更好。 Salt & Pepper Calamari: 鱿鱼苏香脆可口，同埋炸得唔油腻。鱿鱼弹牙，点酱食唔错。如果用黎伴酒，应该会几好的﹗ Fettucini Carbonara: 好多 cheese 好 creamy，可以话系太 creamy ，同埋佢落左好多烟肉碎，但食落去真系太咸。意粉都够弹牙 ~ 可能系偏向鬼佬口味，但对小妹来说真系太浓。 pizza 9 House Special: pizza 批底厚簿适中，但个批底好硬，切开时有困难。而个 pizza 肉较多，同埋有层好厚好厚既 cheese。如果钟意食芝士既，应该会好满足。 Asian Beef Taco: 呢个真系，建议各位唔好叫。首先，佢个饼皮被染成深红色，食得多人造色素对身体冇益。而佢个馅真系好咸好咸，佢应该想学中国人咁用豉油煮，但整到不伦不类，只系得个咸同埋辣字。而佢既牛肉又好鞋，好难咀嚼。食完个个系咁饮水。