影片
更多
2018-12-19
3037 浏览
间唔中都要食下好西既，今日友人就book 左呢间位于intercontinental 既餐厅Book得呢度当然系为左个海景啦！友人book 左六点，预左d 时间食完个晚饭之后可以去海港城行下消化呢间餐厅就当然算系fine dining 个种啦，但系可惜呢佢d service 同埋用餐体验都绝对唔系fine dining 个款，只系纯粹贵价餐厅一间友人BOOK左六点啦，我地去度餐厅门口一个waiter 都无，无人greet 我地⋯⋯我地都有个疑问：系唔系餐厅未开呢？但系明明可以BOOK 六点⋯⋯所以我地就行入左个长廊谂住揾职员，望下个餐厅都已经有少量既客人系入面坐紧，即系餐厅已经开左啦？离远有个职员望到我地，但系佢都决定继续忙紧佢忙紧既野，无理到我地，我同友人都有d 无所适从企多左阵，我地终于揾到个职员可以俾我地问啦，佢带返我地出去reception check 我地既booking都未开始用餐，呢d 咁小既动作其实都已经令我有少少失望。好啦入去用餐啦，我地被安排坐左入去最远既一张台，望到既view 系咁既～香港既维港真系望几多次都唔会厌咁坐低就叫左枝水慢慢饮一路睇menu 啦因为餐厅既
Book得呢度当然系为左个海景啦！友人book 左六点，预左d 时间食完个晚饭之后可以去海港城行下消化
呢间餐厅就当然算系fine dining 个种啦，但系可惜呢佢d service 同埋用餐体验都绝对唔系fine dining 个款，只系纯粹贵价餐厅一间
友人BOOK左六点啦，我地去度餐厅门口一个waiter 都无，无人greet 我地⋯⋯
我地都有个疑问：系唔系餐厅未开呢？但系明明可以BOOK 六点⋯⋯
所以我地就行入左个长廊谂住揾职员，望下个餐厅都已经有少量既客人系入面坐紧，即系餐厅已经开左啦？
离远有个职员望到我地，但系佢都决定继续忙紧佢忙紧既野，无理到我地，我同友人都有d 无所适从
企多左阵，我地终于揾到个职员可以俾我地问啦，佢带返我地出去reception check 我地既booking
都未开始用餐，呢d 咁小既动作其实都已经令我有少少失望。
好啦入去用餐啦，我地被安排坐左入去最远既一张台，望到既view 系咁既～
香港既维港真系望几多次都唔会厌
咁坐低就叫左枝水慢慢饮一路睇menu 啦
因为餐厅既环境都比较昏暗，所以d 相既质素都唔是太好。我影既相比现场环境已经光好多架啦！
呢间餐厅系行地中海风格定唔知北欧风格，用d 石头黎放刀，个碟仔又系细细个无碟边个种，几特别
本来谂住用个HSBC优惠食个3 course menu，但系因为我俾能个价值$1900 既seafood tower 吸引左，所以放弃左个3 course menu
呢个就系我放弃左既3 course menu （不过我后来是后悔的）
66 浏览
0 赞好
0 留言
呢个系每台都会有既小食，系d 沾有海苔粉既薄脆加d 青酱
我打青酱唔系等于PESTO咁解，系个酱用左唔同既香叶加olive oil 搅成
个人黎讲我就唔喜欢食，所以我同友人各食左一块就叫职员拎走
order 后就上牛油啦，呢件牛油应该系鲤鱼黎既，西餐入面有d 中式元素
但系我个人感觉就有少少九唔搭八，因为成间餐厅无论系食物定装潢都无中式元素，做乜件牛油要整到过年d 年糕咁⋯⋯
餐前面包
94 浏览
0 赞好
0 留言
呢件牛油当然唔只系一件牛油，而系mix 左其实香料入去，虽然职员有介绍，但系我金鱼记忆已经唔记得左
我记得职员话好似有香茅，但系我净系食到有dd 酸味，lemongrass 呢d 咁浓味既野我真系食唔到
同埋旧牛油食落都无乜特别，真系牛油咁既味
mushroom soup in foam with truffle
73 浏览
0 赞好
0 留言
呢个系餐汤？？？其实我唔知应唔应该叫佢系汤，因为佢系in foam，加左d 黑松露，有d 切左粒既薯仔？？定系好似椰菜花茎咁既粒粒，好味
台上面有旧石头，我同友人一直都谈论紧到底呢个系乜野既装饰黎，佢既用途我地两个都真系估唔到，原来系要黎放面包架
其实真系几有趣呀用包当碟，但系点解要咁做呢？因为个石头又唔算好平，所以侍应放个包都放左几次先成功放到
我地搣完个包之后放上去都要放左几次先成功无跌－＿＿－
食左两个包之后，万众奇待既seafood tower 终于黎啦！
seafood tower
$1900
45 浏览
0 赞好
0 留言
seafood tower
$1900
42 浏览
0 赞好
0 留言
seafood tower 既sauce
42 浏览
1 赞好
0 留言
从两个角度看seafood tower，有一打蚝（重点！！）同埋一d 从未食过既海鲜
后悔无影到seafood tower 既menu，因为原来openrice 未有依轮既dinner menu
食呢个seafood tower 前先讲下个tower 配咩sauce，系有点下层蚝既红酒sauce 同埋for all seafood 既蛋黄酱？
个酱exactly 系咩名我唔记得左，但佢系一个creamy 既酱黎，甚至有d 粉粉地既质感。我觉得呢个酱for 热食多过for 冻食既海鲜啰
我连呢个tower 上面有咩蚝都唔记得左了，净系记得belon oyster 真系好好食！
新觧就基本啦，d 蚝带有甜味同甘味，食完个口系有回甘架
虽然我钟意食蚝，但真系无特别研究，净系钟意食细蚝同爽口
食完belon 之后就明白点解呢个蚝种咁出名同埋咁多人钟意啦
其实seafood tower 既海鲜都系食新鲜，因为无乜特别既烹调技巧呀，但系呢个tower 都有好多野值得讲
首先就系一d 我无见过海鲜啦，分别系挪威海螯虾langoustine、海螺periwinkles同grey shrimps
大家唔知系乜野都可以google 下，因为langoustine 系一种有大虾钳既既虾，浅粉红色既
periwinkles 系一种好细既螺，得指甲咁大粒，要用针挑出黎食
grey shrimps 系一种好细好细既虾，得手指头咁大只，但系虾咪好浓郁
讲下呢三种海鲜先，langoustine 系要负评，因为d 虾梅既餐厅都可以上菜，四只虾有一只系梅到个虾身断左三截
呢只虾壳好硬，真系好似龙虾咁要用毛巾㩒住黎剥壳先唔会整伤手。
搞一大轮食呢只虾，但系呢只虾系完全无味既，虾既味无、海水味无。因为唔好味，拆佢壳又难，加上d 虾肉梅，所以食左两只就算。
periwinkles 既螺味其实系浓缩版既翡翠螺，我大乡里第一次用枝针挑d 肉出黎食，真系几过瘾
d 螺餐厅俾左好多我地，我地都食唔晒⋯⋯
grey shrimp 虽然细细只但系d 味好浓郁，个味鲜过平时食个d 粉红虾
至于另外其他面包蟹、翡翠螺、粉红色同蚬都系普罗大众成日食既野，大家都知味道系点，正正常常无臭无梅就收货。
本身都谂住叫多个course 食，但系真系太饱了！个tower 我地都食唔晒，除左d 蚝，其他野都系半食半掉
而且海鲜呢食黎食去都系个d 味，口淡淡咁都唔想再食野了
最后每位在座既客人都会有一旧玛德莲贝壳蛋糕
我同同行友人一致认为旧蛋糕系全晚最好食既野！焗完出黎暖粒粒，散发住香气，个表皮仲要有少少脆
俾完钱之后有职员送给我地出门，仲俾左两包朱古力我地做礼物
送既朱古力
36 浏览
0 赞好
0 留言
呢个朱古力系dark 黎，我谂大概75%黎，唔甜但系有朱古力既甘同香，唔苦架！
呢间餐厅既食物好唔好我未能作准，因为我叫既系seafood tower，都无乜烹调既技巧，所以我comment 既只系餐厅既service
作为一间贵价既餐厅，佢既service 系唔合格既，无greeting 无人埋黎问下对菜色满唔满意，无解释d 菜色（净系讲咩名啰），餐厅员工唔够揾个staff 黎落单卖单都好困难。成个用餐体验真系好差
个seafood tower 我都唔建议大家叫黎食，想食蚝就叫蚝食，唔系为左食蚝既不如拎呢千九蚊（加埋一都过二千）食自助餐好过，又有龙虾又有蟹脚
张贴
