Wheatfield X 羅宋湯專門店 (東薈城) (已結業)

入咗东涌行街，研究吓有咩特别嘢食先。罗宋汤专门店...几得意播，咁今餐就试吓佢...套餐有3款(汤面/ 面包/ 捞面)，1款汤+1款主食+1款小食+餐饮。点咗2个套餐，一牛一猪。呢度有分2款罗宋汤，一款系传统嘅牛腩汤底，而另一款系用猪骨做汤底。今日试嘅系牛腩罗宋汤，佢嘅罗宋汤味道偏甜口感浓郁。如果以罗宋汤做餐厅主题，绝对唔惊艳 !!! 只系比一般嘅茶餐厅好，但又未到非常好饮。另一个汤简咗健怡红菜头猪脾肉汤，我本身都钟意重胡椒味 ; 而配埋红菜头我觉得唔错。我本身饮汤，所以就唔试汤面啦 ; 配咗个包同捞面。香煎咸牛脷脆猪仔包，本身个🍞质地都唔错 ; 而且牛脷够厚唔干几好味。捞葱油拉面，我觉得呢个可以唔使试，谂住上海葱油捞面差极都有个谱。但佢D葱油系完全唔够味，失望。