Cafe Paradise (東寶大廈) (已結業)

主食出色，甜品惊喜一打开drink memu,已经觉得好有童真的感觉，里面有个小城堡弹出黎，以前多数系圣诞卡，生日卡先有咁样既设计，估唔到一个小小餐牌里面，有一个咁可爱既设计，令人印像好深刻。 主食方面，日式和风鳗鱼拉丝pizza和风PIZZA比较少食，所以就拣左，上面充满好多木鱼，中间夹住好多芝士，所以拉丝系绝对冇问题既。中间有著唔少鳗鱼加上蟹柳丝，系一个薄批，批边十分脆，味道唔错。一共有6件，如果两至3人share就岩晒。 这里既甜点之味道系意想唔到，本身谂住只系一般质素，但结果出乎意料既好。窝夫天堂窝夫唔系普通好似面包质地既窝夫，做到外脆内软，而你又唔觉得会腻。配有草莓味加云呢那雪糕，十分唔错。最惊喜系窝夫既诚意，外脆内软又唔觉得会腻，但价钱好抵食，如果餐再升级都只系$45，难怪隔离枱都一样齐齐升级。 朱古力心太软心太软一样配上雪糕加cream$48其实真系唔贵，流心既心太软令人食唔停口。就算之后要努力减肥都要继续食呀。而且个size都算大，又唔会焗过龙。甜点做得唔错。