Ocio (積存街) (已結業)

对上一次嚟食甜品好失望，可能唔太钟意紫薯铁板窝夫浸湿哂好似发水面包质地所以都冇想再去食嘅意欲。但男朋友竟然好有心思地订咗枱，就抱住俾多次机会呢间餐厅嘅心态去啦！原来佢主食系唔错嫁！喜出望外原本想食菠菜千层面，点知冇哂。叫咗龙虾汁海鲜意大利饭！颜色较淡，但龙虾味浓郁！美中不足系所谓海鲜只有虾球，如有多几款「海鲜」少两三粒虾都好。一系改名做龙虾汁虾球意大利饭，噤就冇期望啦。另外点咗个蘑菇芝士酿鸡。鸡都好嫩，胸位都唔鞋。我连骨都食得好干净，一粒肉都冇剩薯条量唔少而且脆口！好满足。总括嚟讲，个人对呢间嘅主食较甜品出色。不过如果要静静地2人撑枱脚的话就冇呢个效果，因为餐厅内环境较迫，星期六日晚市full house!！枱同枱之间应该得一个半手掌位左右。