影片
更多
2013-05-04
79 浏览
一向都好少出旺角，人多车多，若非有需要都好少出依区，讲都有啲出奇，连跟朋友嘅饭局都甚少拣旺角。今晚出嚟办点私人事，就顺道晌度揾揾食，由于「丼丼屋食堂」以传统日式丼饭专门店自居，以质优嘅秋田小町米炮制，又喺美心集团旗下特约品牌食肆，所以对其出品颇感吸引。丼丼屋为楼上铺，窄窄嘅楼梯堆满几多人，仲谂住打退堂鼓，不过拎咗「飞仔」之后原来都只喺轮几张枱，而且帮衬丼丼屋嘅客快上快落，食完就走，都只喺等咗10分钟左右，楼梯咁多人有啲喺等对面铺同集团嘅元气啫。踏进店内，感觉有啲古怪，左边对住半开放式厨房，厨房前喺一列吧位，再对出就喺一堆二人 / 四人散枱；而另一边有屏风间住，都喺啲二人 / 四人枱；奇怪在中间空咗出嚟？一张枱都无，以香港地尽其用大原则之下，摆得一张得一张嘛！装修方面，以朴实无华嘅日本食堂格局为概念，所以，无乜太多多余装饰。整体嚟讲，空间感足，感觉暖和！将餐牌一字长形咁打开，有咩食一目了然。面页喺共20款嘅丼物（盖浇饭，我就成日打趣叫和风碟头饭），全部单点，+$15可升级为套餐，多配小食、沙律及面豉汤）；底页就有咖喱、稻庭乌冬、吉列、烧物、前菜小食、饮品、甜品等各类别，而咖喱、稻庭乌冬同
丼丼屋为楼上铺，窄窄嘅楼梯堆满几多人，仲谂住打退堂鼓，不过拎咗「飞仔」之后原来都只喺轮几张枱，而且帮衬丼丼屋嘅客快上快落，食完就走，都只喺等咗10分钟左右，楼梯咁多人有啲喺等对面铺同集团嘅元气啫。
踏进店内，感觉有啲古怪，左边对住半开放式厨房，厨房前喺一列吧位，再对出就喺一堆二人 / 四人散枱；而另一边有屏风间住，都喺啲二人 / 四人枱；奇怪在中间空咗出嚟？一张枱都无，以香港地尽其用大原则之下，摆得一张得一张嘛！装修方面，以朴实无华嘅日本食堂格局为概念，所以，无乜太多多余装饰。整体嚟讲，空间感足，感觉暖和！
将餐牌一字长形咁打开，有咩食一目了然。面页喺共20款嘅丼物（盖浇饭，我就成日打趣叫和风碟头饭），全部单点，+$15可升级为套餐，多配小食、沙律及面豉汤）；底页就有咖喱、稻庭乌冬、吉列、烧物、前菜小食、饮品、甜品等各类别，而咖喱、稻庭乌冬同样+$15可升级为套餐，但吉列、烧物则要+$18先可以升级，因为升级内容唔同，喺有渍物、小食、白饭及面豉汤。虽然嚟到「丼丼屋」，但我哋就无叫丼物，老婆想食得湿润啲，就先点一个稻庭乌冬，而小弟就想食啲香口嘢，就朝吉列类进发，并且加钱转套餐。
牛肉乌冬 $58稻庭乌冬总共有6款：腐皮、咖喱牛肉、咖喱吉列猪扒、和风冷乌冬、胡麻冷乌冬及牛肉乌冬。拣咗牛肉乌冬，主因都喺列明店长推介，所以大胆一试。牛肉乌冬呈上枱时，半生熟嘅牛肉有啲似越式生牛河，以汤温浸熟，部分牛肉仍见到鲜嫩嘅粉红色，而且牛肉有别一般肥牛，油脂唔太多，更啱老婆口味，入口腍滑有肉香，兼且份量唔少。据介绍，乌冬以地道手法打制，用上上等小麦粉制作，乌冬食起嚟又真喺几滑溜，又带点柔韧，配料有金菇碎、葱、大葱，加埋清甜汤底衬托，认真唔错！
吉列广岛蚝，猪柳 $80
吉列类有7款，都不外乎猪扒、鸡扒、炸虾之类，见佢有一款广岛蚝仲要拼猪柳，又喺推介嚟，所以好感兴趣。一客有两件吉列广岛蚝及两件吉列猪柳，配以大量椰菜丝，广岛蚝都叫几大只，炸后都唔太缩水，蚝味不俗，可惜油咗啲，唧啲柠汁感觉会好番啲；反而猪柳炸得唔错，外层好松脆，丹麦猪柳果然松化。枱上已备有猪扒酱、柚子醋、七味粉、酱油，又附加一小碗芝麻，以研碎后加猪扒酱蘸猪柳食用，味道当然得以提升。柚子醋本身添加落椰菜丝度，但猪柳配柚子醋又OK㖞。跟爽口嘅椰菜丝同食，又出到唔同嘅效果，总之食法随你意啦！
日本新潟县秋田小町米枱上有张小简介介绍店家所选用嘅米粒：「我们严选日本新潟县的秋田小町米，以尖端RO System将水过滤，打散水的份子，当中的纯水完全浸透饭中，令食物的原味真味得以保留，让你品尝正宗丼饭滋味。」RO System有个中文名，叫「逆浸透膜过滤系统」，不过听咗都唔多会明，最重要出嚟效果喺点。饭粒饱满有光泽，又有饭香，口感黏黏糯，又不失软绵，相信净喺酱油捞饭都可以搞掂一碗呀！
渍物、小食、面豉汤依个升级配套分别渍物喺腌萝卜，小食喺牛蒡萝卜丝，仲有一小碗面豉汤。虽然腌萝卜毫不起眼，但食嚟爽脆，越食越开胃；而牛蒡萝卜丝添加咗白芝麻，又带丁点麻油香，伴饭食其实都唔错；只喺面豉汤味道平淡啲，但汤中有几粒油扬豆腐，算喺小小增值，属平稳之作吧！
乌冬同吉列都唔错，对依餐都满意，略嫌服务一般，好似椰菜丝可免费添加，我哋都有要求添加一次，不过等咗好耐都未见有，张单都有打住，不过见食晒啲嘢都未嚟，结果就算数。此外，又无乜点解释枱上酱汁食法。由于甜品都喺啲新地类，老婆唔多钟意嘅千层蛋糕，以及唔太特别嘅朱古力软饼班尼士，所以，今餐就此作结。下场就喺去咗附近嘅石磨坊食糖水！张贴
