丼瀛 (已搬遷) 新店位置

自从观塘工厦被成功活化之后，呢度已经成为唔少香港人嘅饭堂，今日朋友就带咗我嚟昌荣5楼嘅呢间人气日式居酒屋。餐厅门口有朋友最爱嘅面包超人，加上大大个招牌，相当易认。店内装饰用上日本娃娃同日式花布，颇为别致。我哋两个都好钟意食海胆，当然唔能够放过有海胆嘅菜式，海胆豆腐带有淡淡嘅海胆味，口感顺滑，面头以三文鱼子同带子刺身做点缀，除咗卖相精致，亦为本身味道较淡嘅海胆豆腐添上鲜味👌🏼海胆油甘鱼丼份量虽然唔算好多，但胜在表面铺满刺身，非常丰富👍🏻以为海胆会好似menu上咁系细片嘅日本海胆，点知出到嚟系大片加拿大海胆，我当然冇say no🙈虽然味道就冇日本海胆咁浓郁，但胜在大大片，入口软滑细腻👍🏻另外当然唔少得脆卜卜嘅飞鱼子😋油甘鱼切得又大又厚，食完唔够喉旁边仲有切角葱油甘鱼，味道清甜，油份重，口感柔软细滑😋天妇罗日本蕃薯炸得香脆，蕃薯清甜又唔会好干。流心芝士汉堡扒系朋友推荐，要热辣辣上枱即食，汉堡扒中规中矩，重点系中间嘅流心芝士，味道香浓，仲有少少拉丝效果👍🏻一口豚肉半肥瘦，表皮烧得香脆，用少少黑胡椒调味，加上少许柠檬汁吊味，一啲都唔肥腻。金菇牛肉卷系我嘅最爱，牛肉入口软稔，烧汁够入味，加上白芝麻