海街丼 (海光街) (已搬遷) 新店位置

今晚相约姐妹到鲗鱼涌揾食，见到有一间卖丼饭的料理店门面装修得几特别，充满和式感觉，就决定入内一试。店内面积不大，但胜左环境舒服，都好适合倾计，而且天花挂满乌丝灯胆作装饰好有格调。menu好贴心，有齐中，日，英三种文字，餐厅以丼饭为主再加当日新鲜刺身。我同姐妹商量后决定叫即日三款剌身~海宝天妇罗丼~海宝丼。三款剌身带子好爽口好鲜甜，章红鱼和真鲷一食就知好新鲜，完全无雪味，果然系由日本直接运到香港，无经过急冻，鲜味十足。天妇罗丼我叫嘅主角天妇罗丼，好有惊喜，有虾，茄子，南瓜等等，好足料比方间足料好多仲有得免费加大个饭。侍应仲介绍个天妇罗汁比较浓味，我一点黎食完全同平时岀面个啲好唔同，我都系第一次食，个汁比较浓甜，好衬托到天妇罗，天妇罗炸粉薄又脆，正😋同个汁简直系完美绝配，推介。啲饭原来仲有啲酱汁又系甜甜地好夹，最后食到饱晒好满足，值得推介👍大食嘅朋友呢到仲可以免费添饭添汤，一定食到饱一饱。整体而言呢间丼饭系有水准，姐妹话海鲜丼都好好食，可以下次同老公黎试，呢个价钱唔算贵，值得再黎。