抹茶館 (已結業)

废话唔多讲。直接讲食物！叫左一个沙律酱猪扒丼，起初见到佢menu幅图系唔吸引嘅，因为影到个猪扒好厚。星期六hea mode紧，连个口都唔想郁，想食啲易𡁻野。但系好彩男朋友话试下，哩个饭系好食嘅。个饭一上枱已经流口水，卖相好正。再望下啲猪猪，原来系薄烧嘅！即刻食返旧，佢夹杂左沙律酱嘅味，令到肉味香左。除咗咁之外，因为加左沙律酱所以猪肉入口嘅口感冇咁鞋身，滑左。所以呢个配搭真系唔错。而我最怕食有豉油汁嘅丼，因为餐厅多数都会落好多汁，多到浸住个饭，搞到好似食烂饭咁，有啲又会落得太少，成个饭冇汁变咗好干唔好食。呢度嘅饭当质量好适中，所以真系推介得过。不过唯一嘅缺点就系佢将啲沙律摆卖系个饭面，又加左啲其他味酸酸地嘅沙律汁，当啲汁留咗落饭入边就会觉得好奇怪。不过酸沙律汁唔太多所以对成个返嘅影响问题不大。另外一个嘢食就系，黑芝麻酱豚肉拉面，汤底当然冇出边打正旗号卖拉面嘅铺头咁好食。不过温泉蛋同个豚肉真系几好。肉嘅脂肪比例算叫做一比一，所以一入口可以话系即溶。拉面都煮得几弹。如果70几蚊一个拉面，我觉得都算合格嘅。