泰式美食2

营业中

休息中

今晚庆祝家人生日，一行人约定到九龙城食泰菜，家人平时来九龙城都会食“泰式美食“，所以今日决定都系帮衬呢一间。呢间餐厅的烹调地道，价钱亦算系公道及大众化，所以深得家人的支持。叫咗好多唔同的小菜，有部分一上枱都影唔切相：咖哩蟹配薄饼＋蒜蓉包，肉蟹几新鲜及够肉，咖哩汁配薄饼及蒜蓉包好味。炸虾饼，虾肉算够实，唔会太粉，OK串烧，牛肉及鸡肉串烧味道及质素都唔错，鸡肉肉质够嫩，牛肉相对较为烟韧。明炉生鱼，条鱼烹调时间控制得唔错，钟意食鱼的家人意见系唔错。冬阴功汤的酸辣度适中，味道尚算够浓。烧鱿鱼，可能落盐唔平均，有几件过咸，但其他又无问题，几好味。仲有几款炒菜，包括芥兰，通菜及椰菜苗都好味。整体食物质素保持，服务就一般大众化啦。