影片
更多
2021-08-05
902 浏览
之前一直都有听过依间人气汉堡，难得有机会嚟到葵兴，即刻谂住要试下。不过讲真地点就唔系好就脚，距离地铁站有段距离，但为左食好野系值得嘅。1点左右嚟到已经见到好多人喺门口排队，原来大部分都系等紧外卖，果然魅力不可小觑。餐厅里面环境唔大，堂食嘅话都要等下，我今次嚟都系打算买外卖。见佢餐牌选择好多款，有各式各样汉堡可以拣，而且猪牛鸡仲可以自由更换配搭，睇落样样都吸引。我今次就拣咗芝士牛堡($33)，加$15可以加配套餐有小食同饮品，不过可惜薯块无晒，所以最后都系拣咗薯条。依个价钱可以食到个汉堡餐都几唔错，算系平民价。本身谂住外卖应该唔会等好耐，点知系我低估咗，佢实在太多单，我最后企出面等咗40分钟左右先攞到野食，真系有啲夸张。食物方面，汉堡分量都唔细，里面有芝士、牛肉、番茄、生菜，睇落都觉得吸引。佢嘅牛肉都几厚身，而且食落多汁，再夹埋生菜同番茄好fresh，口感亦够晒丰富，同连锁快餐店真系无得比。薯条分量都多，不过可能因为外卖攞到翻去已经无咁好味，同埋本身调味都唔系好多，变相我觉得唔系好够味，要靠点茄汁，我下次会想食薯块多啲。但整体嚟讲，依个价钱同食物质素我觉得性价比高，食完终于明白点解咁多人
1点左右嚟到已经见到好多人喺门口排队，原来大部分都系等紧外卖，果然魅力不可小觑。餐厅里面环境唔大，堂食嘅话都要等下，我今次嚟都系打算买外卖。
见佢餐牌选择好多款，有各式各样汉堡可以拣，而且猪牛鸡仲可以自由更换配搭，睇落样样都吸引。我今次就拣咗芝士牛堡($33)，加$15可以加配套餐有小食同饮品，不过可惜薯块无晒，所以最后都系拣咗薯条。依个价钱可以食到个汉堡餐都几唔错，算系平民价。
本身谂住外卖应该唔会等好耐，点知系我低估咗，佢实在太多单，我最后企出面等咗40分钟左右先攞到野食，真系有啲夸张。
食物方面，汉堡分量都唔细，里面有芝士、牛肉、番茄、生菜，睇落都觉得吸引。佢嘅牛肉都几厚身，而且食落多汁，再夹埋生菜同番茄好fresh，口感亦够晒丰富，同连锁快餐店真系无得比。
薯条分量都多，不过可能因为外卖攞到翻去已经无咁好味，同埋本身调味都唔系好多，变相我觉得唔系好够味，要靠点茄汁，我下次会想食薯块多啲。
但整体嚟讲，依个价钱同食物质素我觉得性价比高，食完终于明白点解咁多人帮衬，如果下次有机会嚟附近嘅话，会再嚟食，毕竟佢汉堡选择太多，好多都想试！
张贴
