聰嫂星級甜品 (已結業)

是日星期五，女友OT到九点几，见咁夜佢话唔想食饭，想去食返d甜嘢开心下，就一于来揾聪嫂啦。未去到舖头，已经见到一条人龙，想食嘅唔需要拎飞，去队尾慢慢排就得了。虽然前面都有差唔多二十人，但因为流量高，大约十分钟就有得食了。龙眼嘅甜品唔系好多地方有得食，所以我叫咗呢个龙眼椰果冰。入口非常冰冻，有好浓龙眼味，配埋烟韧嘅椰果同珍珠，辛劳咗一个星期食返碗真系份外醒神。女友叫咗芒果奶昔双皮奶，芒果好鲜甜，双皮奶口感幼滑，芒果奶昔配埋双皮奶味道唔会太甜，食晒成碗都唔会觉得好漏。食完埋单门口人龙都无短过，聪嫂果然系名不虚传。