必勝客

营业中

休息中

都有好一段时间冇嚟过Pizza Hut，因为老婆用Yuu会员积分换咗张葡汁鸡皇焗饭coupon，所以今日嚟食个午餐。我哋叫咗两个午餐1）大虾菠菜芝士Pizza配忌廉鸡汤 $692）香蒜肉丝意粉配凯撒沙律 $49大虾Pizza果然绝不欺场，四大只虾🦐放上面，每件都食到弹牙爽口大虾。波菜又多，感觉食得好健康🤣。香蒜肉丝意粉，蒜味非常香浓，材料有肉粒、杂菜、火腿、磨菇等，意粉烟靭有口感。唔怪得咁多人话一食难忘，仲要返屋企学煮。免费赠送嘅葡汁鸡皇焗饭都好好味，葡汁又多又香浓，鸡肉大大件，配上颜色鲜艳嘅三色椒，高纤爽甜。久别重临，感觉食物味道有所进步，可以再度惠顾。