滬江飯店

营业中

休息中

姨妈同我庆生，因朝早去training，拣咗就近嘅沪江。个人蛮爱上海菜，但已好几年冇去过呢度，是次用餐反映沪江质素仍然有保证！5个人叫咗4人午市套餐，加咗4款小食：醉猪手满有酒香又腍又入味(太好味叫咗两次)；萝白丝酥饼即炸起唔油，个底有芝麻粒增加香味；芝麻大饼又系热辣辣劲多芝麻；雪菜毛豆百页清清地好多毛豆；糖醋排骨基本上系肉冇骨的，炸皮唔厚，好腍唔嚡，个味酸甜的不错；炒拉面略油但真系好惹味；臭豆腐系我的最爱－外皮脆里面软够烫口而且满有咸香；粟米羹普通芡唔太杰身；桂花酒酿丸子略甜；甘蔗水唔太甜几好。