影片
更多
2015-01-15
2912 浏览
上一次到水月晚餐已经系半年前嘅事，今次去系庆祝朋友升职～友人听到李志刚电台饮食节目极力推荐水月俾听众（打去电台问番餐厅名），今晚再去试一试～一行4人七点到达，我地系第一枱客人，选择坐喺某一角，环境依旧舒适唔拘束。店员向我地介绍左菜单后就准备开始食...酱汁烧厚菇，厨师特制酱汁烤温室厚菇非常好味！一边食一边渗出菇味及汁，同酱混合埋味道好特别，食埋d蔬菜感觉好舒服！烟熏清酒高汤鲍鱼，打开樽里面即时飘出车厘木味烟，好特别！鲍鱼好新鲜亦腍，汤带甜味，我地系饮哂😂，呢个𩠌系有视觉效果亦好味！温泉蛋配吉列蟹肉饼，卖相有鱼子及金萡好名贵！𠝹开蛋黄同吉列蟹饼混合一齐食，好丰富满足😊食埋旁边d蔬菜后完全无热气感觉，蟹饼肉啖啖鲜味蟹肉，好味！南瓜带子豆羹，呢个南瓜汤下面有个豆羹，系估唔到可以滑成咁！同汤一齐饮系双重味觉享受，块带子亦好鲜甜！侧面系腐皮脆卷，放落汤度食好似打边炉食生根咁，好有趣青柠泡泡(饮完个汤太开心，唔记得影相），玻璃瓶饮管内有青柠味泡泡，卖相新奇特别，但多几啖就好啦😁澳洲龙虾配南瓜蓉,主菜我选择龙虾因为系得奖菜，首先卖相已经高分，食埋就仲高分！龙虾新鲜爽口，黏埋侧面龙虾油好香口，南瓜薯蓉
上一次到水月晚餐已经系半年前嘅事，今次去系庆祝朋友升职～友人听到李志刚电台饮食节目极力推荐水月俾听众（打去电台问番餐厅名），今晚再去试一试～
一行4人七点到达，我地系第一枱客人，选择坐喺某一角，环境依旧舒适唔拘束。
店员向我地介绍左菜单后就准备开始食...
酱汁烧厚菇，厨师特制酱汁烤温室厚菇非常好味！一边食一边渗出菇味及汁，同酱混合埋味道好特别，食埋d蔬菜感觉好舒服！
烟熏清酒高汤鲍鱼，打开樽里面即时飘出车厘木味烟，好特别！鲍鱼好新鲜亦腍，汤带甜味，我地系饮哂😂，呢个𩠌系有视觉效果亦好味！
温泉蛋配吉列蟹肉饼，卖相有鱼子及金萡好名贵！𠝹开蛋黄同吉列蟹饼混合一齐食，好丰富满足😊食埋旁边d蔬菜后完全无热气感觉，蟹饼肉啖啖鲜味蟹肉，好味！
南瓜带子豆羹，呢个南瓜汤下面有个豆羹，系估唔到可以滑成咁！同汤一齐饮系双重味觉享受，块带子亦好鲜甜！侧面系腐皮脆卷，放落汤度食好似打边炉食生根咁，好有趣
青柠泡泡(饮完个汤太开心，唔记得影相），玻璃瓶饮管内有青柠味泡泡，卖相新奇特别，但多几啖就好啦😁
澳洲龙虾配南瓜蓉,主菜我选择龙虾因为系得奖菜，首先卖相已经高分，食埋就仲高分！龙虾新鲜爽口，黏埋侧面龙虾油好香口，南瓜薯蓉又甜又香，难怪攞到国际奖项
麻籽烤羊架 ，朋友选羊架，以为龙虾好味，点知羊更出色！店员话系羊中之皇威尔斯新鲜羊架以四川麻籽腌制，羊肉唔「苏」，味道非常香、肉质嫩，好好味！
北海道黑毛猪肩配八珍山渣汁，无谂过猪系可以咁香口好味，有个部位嘅肉系爽口，肉汁丰腴！
北海道刺身级带子配蜜糖豉油汁，店员话带子系即日下午5点几由北海道到香港非常新鲜，未试过结冰状态，所以肉质系新鲜弹牙，果然无介绍错！同外面餐厅嘅带子完全唔同，呢度系咬入口带子肉一丝丝架！
试左四款主菜，好难分谁胜谁负，各有千秋。我自己钟意猪，味道非常特别，带子亦好新鲜弹牙，而羊就惊喜万分，龙虾就层次丰富，水月主菜令我地有选择困难症！哈哈
白松露意大利雪糕 或 红豆绿茶意大利雪糕，呢个红豆绿茶意大利雪糕系必食！茶香吸引！
而白松露味亦令友人倾心，哈哈！
四个女人一个大墟，今晚食得非常开心，店员珊珊每道菜详尽介绍，令我地食得好清楚。所以朋友再一次极力推荐水月作为庆祝食饭首选地点，话包无失拖
4个人主菜转左两款食物埋单$2761，每人平均唔过$700蚊，食到厨师用心、新鲜食物、惊喜处处，虽然无靓靓维港景色，但与知己闲聊晚餐、有美食相伴比较实际。
有时候会听到人话香港已经无哂良心食店，周围都系集团式经营，其实只要去试，避开d大商场走入小店，仲有好多人每日用心做紧，只系我地习惯性做商场精而忽视佢地存在水月，继续努力！感谢珊珊热切款待
张贴
