沙隴餐廳

营业中

休息中

讲起沙陇我谂好多大埔友都知道呢间餐厅，或者好多朋友仔都食过，听朋友讲呢间餐厅既咖哩好出色，所以今日就再黎食下，记得对上一次黎食已经好多年前。见餐牌既快餐跟饮品都只系 $38 蚊，而且重系全日供应好抵食，不过谂左阵最后都系叫咗咖喱牛腩饭跟冻奶茶，盛惠 $63，其实有啲贵 😂。冻奶茶 ($17) : 冰粒系传统大排档用果只，唔似依家啲餐厅用啲冰咁鬼死大粒，搞到杯野饮几啖就冇晒 ; 奶茶口感好滑身而且茶味浓。咖喱牛腩饭 ($46) : 餐厅既咖哩有别于其他餐厅，咖哩味浓郁之剩带少许甜，而且牛腩份量都多，入味又淋身，不过饭就少左啲，浪费左啲汁。