瘋鳥 (已結業)

以前好钟意放工同同事落长沙湾疯鸟食饭，贪佢多选择，食物又平又好食，不过自从转工之后远咗就少咗去。咁啱呢日约咗个住长沙湾嘅朋友食饭，就系咁，我同疯鸟终于久别重逢。呢到都仲系咁旺咁多人，好彩有book定位。餐厅走文青风，而且灯光柔和舒适，好适合倾计食饭。✨分享拼盘 $108最钟意食热气嘢🙋🏻‍♀️呢个分享拼盘啱哂我，有炸鸡翼、西兰花芝士卷、盐酥菇、薯条。全部炸得金黄香脆，好香口，边食边吹水啱哂👍🏻炸鸡翼外脆内嫩，肉质仲好juicy；西兰花芝士卷嘅芝士味香浓，质感烟烟韧韧；盐酥菇好有惊喜！薄薄一层炸浆包住好弹牙嘅盐酥菇粒，质感好有趣。薯条香脆，食到停唔到口！✨三重芝士炸虾Pizza $115爆哂芝嘅三重芝士炸虾Pizza，绝对系呢到嘅必食item，熔岩拉丝效果强劲，芝士爆满！pizza饼底松脆，上面嘅炸虾脆卜卜，正！✨Hot Banana Chocolate $40朋友嘅热香蕉朱古力，朱古力味香浓，同时夹杂着香蕉嘅香甜味，几时都话香蕉同朱古力好夹！✨Iced Apple Grapefruit Tea $38清爽唔太甜，入口果味茶香平衡得唔错，配炸物仲有减油减腻嘅作用。