蘭香茶餐廳 (已搬遷) 新店位置

成日放假都嚟兰香，今次第一次写佢…一如以往，礼拜六日放假都系要等位，排三两个唔定，排十个八个人又唔定，上星期六午餐时间我就等左三张台，大概十五分钟度，都可以接受。嚟到都系叫返B餐，太阳蛋、转炒意、转鲜油多；屋企人就嗌左个兰香炒饭、咖喱牛腩炒伊面。所谓B餐炒意，即系叉烧炒意，配呢个餐当然系细细碟咁啦，有两三片薄叉烧，配豉油老抽炒意粉，唔会话好好味，不过隔一阵又想食咁啦。煎太阳蛋好正，半生熟，只蛋黄浪浪下，加少许盐食就perfect!!不过如果d火腿轻轻煎下就更好味啦食呢度鲜油多，记得嗌免飞边，即系唔切面包皮…即烘多士夹住厚厚冻牛油！好鬼肥，但好正呀！记得一上台要即食！外热（多士）内冷（牛油）真系好鬼正！至于杯餐饮，如果要热饮，可以加钱转大杯；如果嗌冻饮，咖啡奶茶鸳鸯记得嗌冲浓d…个人觉得茶啡方面比较淡。兰香炒饭 - 一如以往香味十足，配料尚算丰富咖喱牛腩炒伊面 - 留意咖喱牛腩唔系捞埋落伊面度炒，系分开上的；牛腩有几旧，有肥有瘦，都几淋，不过咖喱唔太辣。炒伊面干湿适中，分量都几足。总括嚟讲，都系会继续去食，依家都要多支持呢类旧舖老店呀！