好時沙嗲

营业中

休息中

听就听得多，终于有朋友开口话去食呢间系尖东嘅好时沙嗲。八点上到去，冇book位，四个人等咗十五分钟就有位，环境系一般般架啦。喇沙米粉，必食！有鱼旦 豆卜 虾仁，个汤杰杰地，米粉都算爽，好好味！四个人一人分到一碗。炒萝卜糕，用咗菜脯 虾仁粒 蛋 一齐炒，似食紧甜嘅炒蛋。炒芥兰，用虾米仔炒，好香鱼露 虾酱个d味，应该每枱都有叫炒菜。肉骨茶，味精汤，好大碗汤 但得几旧肉，后悔。咖哩鸡，好杰 偏向酸味的咖哩，侍应话用咗酸籽去煮 酸系正常。唔好期望有一旧旧鸡，因为已经煮烂哂 同个汁溶埋一齐。薄饼，脆嘅 好味！油饭，重椰香 少少甜， 唔似海南鸡个d油饭，胜在够大碗。四个女仔 埋单每人$100，饱住走，仲有好口渴 因为味精都几劲。