翠華餐廳 (H21商場) (已結業)

今日去筲箕灣探朋友隻狗仔，約埋狗仔去行山。為左有氣有力行山，一早就去食個飽肚早餐。出地鐵站行到朋友樓下就有間翠華，見人唔多就入去食早餐喇。雖然好耐無幫襯但個餐牌一直都無變，好有親切感。奶茶依舊茶味香濃，保持到水準。太陽蛋煎得好靚，我習慣用蛋黃汁用來沾豬仔包食。噢…個麪唔夠熱，好似攤左一陣先出餐，已經唔香了😔有點失望。翠華早餐價格相對其他茶餐廳算合理，份量又足夠，如果質量保持到水準就好了。食完呢份早餐已經好飽，行完山都未餓。