翠華餐廳 (H21商場) (已結業)

辛辣麵好耐冇食過翠華茶餐廳，今日去筲箕灣食早餐，經過見到茶餐廳早餐，座位都幾寬闊，都乾乾淨淨，最緊要就係原來有辛辣麵，即刻入去試，因為好耐冇食過早餐食部隊喎啊。平時到早餐通常都食通粉、沙嗲牛肉麵，好少會食部隊鍋。個部隊鍋好豐富，有雞蛋，煙肉，餐肉，芝士、腸仔，芝士，開頭見到辛辣麵咁多湯以為冇味，原來都夠味，麵質都好好，唔係太淋，好滿足。沙嗲牛肉麵，炒蛋，炒蛋又吵得幾靚仔喎滑嘟嘟，牛肉都夠味，都幾好食呀，湯都幾好飲，唔會令我失望。

🐑 鐵板羊仔扒餐($122) 配薯菜及燒汁，羊味濃郁😋 🍅冠軍焗豬扒飯 ($67) 跟蘿宋湯、脆豬包及咖啡☕️ 豬扒邊帶點香脆，有炒飯底🤩 但有少許豬騷味😟 脆豬包雖小，但十分香脆乾炒牛河正常發揮

呢間係我食咗多年嘅墨丸可嘅地方，可是近年不知道是鋪租太貴還是人工太貴，覺得佢嘅湯越嚟越淡，不復當年。另外一點不得不提，就係餐廳內部污糟咗好多，不單梳化餐牌用到霉霉爛爛，連地方都欠缺乾淨。魚腐米線啲魚腐好腍，但冇乜魚味冇乜豆腐味，怪怪的。唯一可取是魚湯仍然好味，但略為淡。但我仍會俾機會，因為我真係好鍾意墨丸配有少少魚湯嘅河粉，暫時佢仍然係最好食的。丸有兩三粒，另外墨魚🦑片也有兩三塊，最喜歡是加了香西，咬落好香。

一向都頗喜歡吃翠華的鮮茄焗豬扒飯， 但因為尚未完結的晚市禁堂食， 已經有好一段日子沒有吃過了， 心血來潮突然間想食， 所以放工後買了幾個外賣回家。 因為我揸主意的關係， 當然要有我喜歡的鮮茄焗豬扒飯， 我喜歡的咖哩牛腩飯再加上我也喜歡但沒有試過翠華版本的沙爹牛河（ 哈哈）。鮮茄豬扒飯喜歡吃翠華的鮮茄焗豬扒飯， 很大程度由於他們做的是比較老式的焗豬扒飯。 豬扒用香料醃得很入味外， 而且經過較多舊式餐廳常見的油炸處理過 ， 所以有一層薄薄的脆皮。 加上茄汁後， 除了在豬扒的邊位依然吃得到香脆， 脆皮更加吸入茄汁， 變相更加好味。 豬扒肉汁充足， 依然非常鮮嫩。 配上炒飯底， 推介。咖哩牛腩飯咖哩牛腩飯的賣相雖然看似只是很多汁沒有太多餸， 但實情是牛腩的份量也相當多。 喜歡他的汁是因為夠辣而且充滿耶香。 牛腩亦非常軟淋而不失牛香。沙爹牛河 （兜亂）可惜比較油膩， 但其他味道， 鑊氣和牛肉的質素都相當不錯。 只適宜間中一吃。同一餐可以叫三款自己喜愛的東西感覺零舍滿足～

婆婆自己煮得多有時都會悶, 唔想煮都會好似啲後生仔咁入茶嘅食個早餐, 今日嚟翠華食早餐B, 貪佢大大份, 十點零鐘食可以午餐也不用吃。茶餐廳感覺光亮乾脆, 坐位按限聚令2人坐, 餐廳做足防疫, 食客都食得安心啲。早餐B滑蛋脆豬 - 滑蛋炒香滑, 加點胡椒粉, 好食, 豬仔包細細隻, 焗到脆卜卜, 搽啲牛油食, 送啖奶茶, 好好味。沙爹牛肉公仔麵 - 有幾片沙爹牛肉, 有點咬口的真牛肉, 沙嗲汁夠曬惹味, 公仔麵尚算爽滑, 麵湯唔會咸爺爺的。奶茶 - 老人家最掛住的, 就係呢杯奶茶, 香濃滑口, 飲完即刻起了心理作用.... 提神醒腦, 老虎都可以打死幾隻。

已經唔係繁忙食飯時間，夜晚9點鐘叫個晚餐外賣，等左我40分鐘，全部只係整俾堂食先，外賣成街人等極都冇， 個個都燥到要退錢唔食，呢啲餐廳要黎做乜，唔怪之得執下一間又一間，火都黎埋！

疫情+限聚令，餐飲業大受影響，連上市公司嘅翠華生意亦由盈轉虧今日嚟到位於筲箕灣嘅分店食下午茶現場所見，小貓三、兩隻，無咗班自由行內地捧場客，静咗好多。大部分香港茶餐廳嘅食物，翠華都有供應，價錢比一般茶餐廳貴。以往下午茶餐有迷你海南雞飯，而家無啦，又見無乜啱我食，唯有揀鱼旦河。奶油脆豬包係呢處出名，今次無叫，未知係唔係同以前咁脆？鱼旦同河粉還可以，但個湯底就，好鹹，好重味精。餐飲杯熱朱古力好稀，忍唔住叫侍應加番濃啲，又甜過頭！雖然我祇係食咗碗鱼旦粉，但感覺好一般，價錢貴咗，但無以前嘅水準。

今次黎到翠華，因為疫情所以少左好多人，間舖本身都大，所以坐得好舒服。可能因為無咩人，晚市都係得兩個樓面。咁我就叫左個晚餐，五成熟牛扒跟薯菜。咁黎到都算大碟，塊扒睇落都大。牛扒之外就係３粒半舊既焗薯，西蘭花同埋粟米。咁個黑椒汁就無咩黑椒味，但因為佢有Ｄ粗粒黑椒，所以都好Ｄ。咁塊牛扒都算係五成熟既，食落都有牛味唔係好勁既雪味，咁食落都算香口既。焗薯如果多幾粒應該感覺會飽Ｄ，加上佢地個味都唔錯。粟米就唔太硬，都幾甜，所以都ok。

海南雞飯係我夏天最愛嘅食物之一，佢唔單止令人開胃，而且唔太熱。今日夏天開始即刻叫咗個海南雞飯食。呢個海南雞飯比我想像中出色，飯好香，雞亦都幾彈牙，醬汁令人非常開胃。睇來呢個夏天應該會再食多幾次啦！

準備等車去赤柱碼頭，因此大家都聚集在翠華餐廳用餐。早餐都是選擇一定要奶油豬豬呀。脆皮加上煉奶。|奶油豬^現在是疫情關係所以都會用一次性餐具，大家都穩陣安心用餐。翠華貼心還是可以講解的。早上很多人，阿姐服務員都比較忙碌。大家都主動以免叫太多次服務員。闊大的位置就在街道旁。

午膳時和朋友到了翠華吃午飯。叫了一個套餐，貪包飲品及湯。叫了葡汁烤雞扒餐，可選配飯丶意粉或薯菜，我選了飯。賣相一般，葡汁雖沒濃濃的椰汁味，但雞扒不錯，肉汁豐富，䶢味適中，若配菜多些更好。餐茶叫了熱杏霜加蛋白，若杏汁豐富些更佳！

相信最近大家都會去多左，因為少左一堆人去食，筲箕灣呢間就其實應該無呢個問題，只係個日突然間想食佢個鮑汁玉蘭雞粒飯XD皇牌馬來咖喱牛腩飯 $67翠華一大賣點就係咖喱! 所以如果去食飯既，我通常都會叫呢兩樣~鮑汁玉蘭雞粒飯 $69我真係好鍾意食呢個飯，但我又唔知點解，好香咩又唔算，可能就係個汁啦~清脆利樂 $28佢係青檸雪芭，都幾好飲幾fresh!不過我地去個日，可能係假期既lunch time， 唔係好夠人，加埋佢冷氣唔多夠，同埋尐人係咁開門，個陣咁既熱風真係不得了..

今日下午係筲箕灣翠華叫外賣，叫咗一個干炒牛河及一個黑椒牛柳絲炒麵，簡直垃圾首先講干牛河，牛肉同河粉炒得又燶又苦都唔係人食，跟住黑椒牛柳絲炒麵，麵就OK但係啲黑椒汁就唔掂好大陣油益味

食物質素差！服務速度極慢！如無心經營，應考慮關門大吉！人流已不多，晤明點解可以咁慢，管理層是否要作改善！不論堂食加外賣都等極耐！店內乜都故障，壞又不安排維修，多士可以無焗過，普通麵包上枱！咁乜叫多士

三年前黎，早餐5分鐘內一定黎齊，食物ok，收銀冇禮貌都算，最緊要快。最近e 幾個月，次次都三催四請先到，今日等成半個鐘先黎齊，中間催左三次。食物又差左。再講秩序，黎親係要等人安排，但係冇人專責安排，幾枱客排緊隊，幾張吉枱 ready，收銀係隔離又唔係收緊錢，佢理都唔理真係眼火爆。