Sahara Mezz Bar (已搬遷) 新店位置

自问好少食中东菜。始终若果可以选择，自己都会拣法国或意大利嘢，口味问题...今次选择嚟，主要系太座嘅二家姐好喜欢呢度。今次顺道来访，当然要试试la...想一想已有年多左右冇嚟过苏豪区。发觉街道依旧，但身旁嘅食肆已换了不少，焕然一新...呢度系典型嘅bar restaurant，灯光黑黑哋，位与位之间空间较焗促。大部份客都系以饮嘢为主，menu上选择亦不太多...虽然自己少尝中东菜，但都知中东菜主要以羊食为主，配以多种不同香料烹调；蔬菜就以豆类、茄瓜等为代表...先嚟个招牌小食并盘(mezz platter): 当中最出色嘅系茄瓜蓉，味道清新且甜，用嚟配pita bread而食相当不俗；豆泥、羊肉肠及春卷就味道一般....再嚟个烩虾沙律。虾味道甜甜酸酸，新鲜爽口；沙律口味清新，亦不俗...叫咗几款Ragine，有羊有鸡有鱼。当中自己最欣赏个seabrass --- 跟茄酱同煑，颇开胃；鱼肉质颇滑，皮微脆，可口...羊可以再膻一D更妙....再嚟两大碗质感独特，细细粒嘅中东米饭，饱到晕...