江仔記粉麵專家

营业中

休息中

今日落开CWB做野，就问下CWB朋友有乜平靓正推介啦，佢话江仔记。谂番我都成几年冇食过江仔记喇，星期六日经过都见排晒长龙，香港人又有大陆人又有，总之就系劲多人。今日7:30落到去，岩岩好有两个位唔洗等。我叫左个鱼蛋墨丸河走青$33，另外二家姐就叫左碗牛筋牛肚河。落左order好快就送到黎，一黎已经闻到好香。鱼蛋同墨丸都弹呀好味，河粉又幼又滑，唯一美中不足系碗面彼油。而二家姐碗牛筋就又淋又入味，反而牛肚就麻麻地切得又幼。总括黎讲江仔记真系平靓正，两个人都系食左$78蚊。