一品刀削麵 (已結業)

我哋一家超过两、三年无嚟食啦，忽然又想起佢「刀削面」。小老板细时已成日帮衬，佢最钟意食冷刀削面，今日佢都唔例外，佢话要重温儿时味道。我哋就分别叫左猪扒刀削面同猪软骨刀削面再加一份炸韭菜饺。先讲猪扒刀削面，猪扒应该系一早炸定，入口已经唔热唔脆而刀削面面质较林，唔弹口，汤底就同以往一样好味，但就唔会食左口干。猪软骨就炆得好林，好入味。冷刀削面就有青瓜丝、牛展丝加入一啲沙律酱同一些疑似泰式辣酱拌埋一齐食，这款面真系夏天嘅首选。炸韭菜饺就不过不失，因为佢哋嘅饺子云吞本身已经几好食而重点就系佢哋嘅自家制嘅麻辣，每次嚟食都必定要加写之前睇左其他人对佢哋嘅食评，大多数都系负评 真心讲，食物真系大不如前，而服务就一如以往吧！