安東尼小廚 (已結業)

星期六上网见到安东尼有咁多好评之下，决定同外母大人及老婆一齐试吓新嘢。去到真系比佢车仔面既外形动摇咗少少信心，不过谂到啲食评就觉得定啲。我哋一坐落就点咗三客蘑菇汤，再ORDER个羊鞍，然后加个芝士龙虾。但点知突然闻到隔离枱传过来陈陈久违了既味道，原来系客家炆猪肉。于是我心血来潮，唔理自己之前点落既西餐同个碟头饭夹唔夹，一于嚟个客家卤肉饭。蘑菇汤、羊鞍、芝士龙虾当然好食，但个饭真系唔讲得少，食到好耐以前婆婆煮既味道，好怀旧，好有客家风味。而且啲咸菜同木耳仲好鬼正，入哂味，真系𩠌饭一流。后嚟我同老板娘倾倾吓先知佢系客家人，所以想煮啲家乡菜比大家试吓。今次我觉得安东尼真系一个令人惊喜既地方，令人食得有家既感觉。