展興餐廳 (已結業)

系红磡同老朋友聚旧兼跑步，跑完之后突然好怀念啲旧食物，突然好想食返啲旧野，落土瓜湾道啲茶记就最好不过。展兴餐厅系土瓜湾道有两间舖，一间大既有两边舖近煤气鼓，我今次食呢间系益丰大厦呢间舖面细啲，一个长长单位，两部大电视，一部播大台剧集，一部播跑马。所以大部份食客都拎住份报纸饮住部奶茶好努力咁温马经。大部分系卡位，中间有其他4人枱，一间好地道既茶餐厅餐牌上面有好多选择，大部分饭类送野饮连汤（其实有汤送既茶餐厅已经买少见少）焗猪扒饭 涷奶茶 hk52落单后大概两分钟左右，先黎一碗合掌瓜猪骨汤，同埋冻奶茶，再过十分钟左右，焗饭都黎埋合掌瓜煲猪骨汤有旧好细既合掌瓜，啱哂平时少菜既我，肉仔有一旧，不过太肥难以入口。汤既味道普通，有猪肉味，同埋一定有既味精味，虽然唔太咸（味精落得算轻手），但都唔饮太多（之后都要饮多杯水解渴）焗猪扒饭用一个大既平底兜载，两大块猪扒，放上红红既茄汁（番茄欠奉），掀开两块猪扒，惊喜既系饭用蛋炒底，热辣辣，香喷喷。两块猪扒真系好大，薄薄地，比手掌还大，咬落去口感几好，煮得刚好，唔硬，而且煎过先放落去，所以好香口。茄汁就真系无甚特别，除左红色似茄汁，其实无咩番茄味，不过因为个