影片
更多
2019-09-20
240 浏览
放工出沙田买嘢，即兴约埋住喺附近嘅朋友出新城市食饭，谂来谂去都唔知食咩好，咁岩经过呢间，令我回想起好多年前喺马来西亚食过嘅掺掺，最后一致决定今晚食星加坡菜。好好彩，早到的鸟儿有虫吃，今晚唔使等位侍应很好，安排左沙发座位俾我哋，地方唔算好大，但都几骨子，职员亦都好有礼貌。商讨完之后，我哋最后达成共识，两人share一个面，然后叫多啲小食，满足到我哋想食多啲但又唔怕多得滞嘅欲望荔枝梳打，唔太甜，仲有两粒荔枝肉。呢个真系要推介下，香脆单骨鸡翼，同个名一样，好香脆，一咬开，入面热辣辣，而且鸡翼好滑。串烧牛，猪，个沙嗲汁教得几好，如果可以辣啲就更好啦，牛肉烧得刚刚好，表面干身，入面锁住啲肉汁，咬落去好软身。猪肉亦都唔错，外面焦香，肉质都几嫩。沙嗲鱿鱼，相比起头先两碟，呢味就稍为逊色左一啲，沙嗲味闻落去好香，但咬落冇乜味，鱿鱼都系新鲜嘅。最后主角出场，海鲜掺掺，掺掺其实系油面加米粉，海鲜种类都几多，有鱿鱼，虾，墨鱼仔，带子。鱿鱼同头先沙嗲鱿鱼一样，不过呢个汁好味啲。墨鱼仔同带子都新鲜，但系虾就唔多新鲜，个虾头就甩就甩咁，肉质梅梅地，个人觉得虾喺呢碗面入面占好重要嘅角色，所以都有少少失望。不过除咗虾
好好彩，早到的鸟儿有虫吃，今晚唔使等位侍应很好，安排左沙发座位俾我哋，地方唔算好大，但都几骨子，职员亦都好有礼貌。
商讨完之后，我哋最后达成共识，两人share一个面，然后叫多啲小食，满足到我哋想食多啲但又唔怕多得滞嘅欲望
荔枝梳打，唔太甜，仲有两粒荔枝肉。
呢个真系要推介下，香脆单骨鸡翼，同个名一样，好香脆，一咬开，入面热辣辣，而且鸡翼好滑。
串烧牛，猪，个沙嗲汁教得几好，如果可以辣啲就更好啦，牛肉烧得刚刚好，表面干身，入面锁住啲肉汁，咬落去好软身。猪肉亦都唔错，外面焦香，肉质都几嫩。
沙嗲鱿鱼，相比起头先两碟，呢味就稍为逊色左一啲，沙嗲味闻落去好香，但咬落冇乜味，鱿鱼都系新鲜嘅。
最后主角出场，海鲜掺掺，掺掺其实系油面加米粉，海鲜种类都几多，有鱿鱼，虾，墨鱼仔，带子。鱿鱼同头先沙嗲鱿鱼一样，不过呢个汁好味啲。墨鱼仔同带子都新鲜，但系虾就唔多新鲜，个虾头就甩就甩咁，肉质梅梅地，个人觉得虾喺呢碗面入面占好重要嘅角色，所以都有少少失望。不过除咗虾，其他都好正面嘅。
张贴
