浩記甜品館 (已結業)

各国嘅甜品店，相继喺香港盛行，所以一讲起甜品，好多人都即刻会谂起刨冰、梳乎里、cake、窝乎、松饼呢D。大家唔好忘记，我地香港本土嘅"中式糖水舖"，面嘅糖水，都系属于甜品嚟㗎，饭后食番碗，一样系开心又满足。"浩记"系一间旧式嘅糖水舖，地方细细，有几张圆枱，有机会会同隔离枱背脊贴背脊，员工全都系D叔叔、姨姨，没有太多嘅招呼，反而多了一份街坊街里嘅熟悉感觉。杏仁糊、合桃露、蕃薯糖水、紫米露、桑寄生茶、鸡蛋腐竹糖水、芝麻糊、红/绿豆沙、麦米粥、汤丸……你谂得出嘅中式糖水，呢度应该都有齐。我地分别叫咗"豆花芝麻糊、杏仁糊、紫米露和麦米粥"。紫米露: 用料充足，上面加咗D奶，既香且甜，好味。而我就拣咗"麦米粥"，因为麦米粥比较旱见，就算其他中式糖水舖都未必一定有得食。麦米粥: 里面除咗麦米之外，好似仲有糯米，口感烟烟靱靭，好好咬，最紧要系煮得唔系太甜，健康D之余仲食到麦米嘅香味。各位家长一定要带小朋友去食下中式糖水，想补脑又得、养颜又得、养生都得。而且廿几蚊一碗，都算经济吖。