必勝客

营业中

休息中

中学时好钟意食Pizza Hut嘅午餐，品质唔错，价钱亦唔算贵。多年后嘅今日，品质依然唔错，不过我最钟意嘅千层肉酱阔面就喺午餐餐牌上消失咗。迷你凯撒沙律，菜都几新鲜。蘑菇忌廉汤，普通。+$10配酥皮。香烤鸡肉忌廉白汁藜麦饭，饭对我嚟讲有啲硬。香蒜肉丝意粉，够经典，相信好多人都食过，简单嘅材料，但好味。大虾菠菜芝士迷你必胜批，批底外脆内软，加埋芝士，口感丰富。+$10原味鸡翼(2只)+$10迷你窝夫配朱古力酱(1件)，上面嘅忌廉系新鲜打起嘅忌廉，窝夫够香。其中午餐可转冻草莓梦幻及冻柚子热情。