鼎泰豐 (已結業)

是日同内子Ｏ系美丽华行左阵，６点半左右就去揾地方食下野，惊晏Ｄ会多人。见到鼎泰丰，好几年前Ｏ系台湾时食过一次，香港开左几间都未食过，见人唔多就去食下。餐厅好阔络，店员安排左ｓｏｆａ位俾我地，坐得都好舒服。坐低之后店员仲会帮手用椅套包住挂Ｏ系櫈度既外套，系几好ｓｅｒｖｉｃｅ的。＃台式四季豆：铺面既肉碎几惹味，四季豆都十分ｊｕｉｃｙ＃小笼包：话哂系呢度既招牌，皮薄多肉汁，系唔错。唔洗点醋都好食，但一定要趁热食＃糯肉烧卖：几惊喜，一见糯米以为会好油腻，但又唔会。入面既糯米好饱满，而且带有Ｄ咸香味，唔错！＃菜肉馄饨汤面：不过不失，馄饨都足料同大只。面质烟韧唔会太淋