許留山 (已結業)

请完朋友食饭，佢好客气话要请返我食甜品！我好钟意食甜品！搅到我几开心呀！睇见 Menu，其实许留山啲甜品都唔平！好多都要 $30 以上！仲要系 made of 生果！我食少少甜品已经好满足，唔使食大大兜嘅棉花冰。椰汁红豆糕 ( $10 ) 系我嘅选择，好似椰汁砵仔糕，有久违了的味道！有些红豆如大豆般「大」粒！跟椰汁砵仔糕不同之处只系无咗砵仔糕果种少少黏嘅感觉！水蜜桃流心 ( $15 ) 系朋友嘅选择。( 详细食评，请见早几日(湾仔)许留山个食评！) 其实系我嘅推介！我俾部手机佢睇我最近影嘅食物相，佢话水蜜桃流心个样好吸引！一于要试吓！朋友请我食甜品，仲多谢返我悭佢个银包㖞！