影片
更多
2014-09-27
6189 浏览
记得细细个嘅时候成日都会跟嫲嫲同佢D朋友嚟凤城饮茶, 由于去得太多, 同D伙计熟到不得了, 基本上已有张长枱恭候, 无他嘅, 好多时去饮茶都会叫「例汤」(别以为例汤系一般嘅老火汤, 其实系叫紧「鸡炖翅」, 谂起都觉得好夸张)同埋我最爱嘅灌汤饺, 而当时年少无知嘅我就最钟意睇住部点心升降机, 成日都幻想自己爬咗入去会点自从嫲嫲走了之后, 虽然日日都经过凤城, 偶然亦会撞到由细睇到我大的郷里伙计, 但系都已有多年没去饮茶, 今日再次踏进凤城去饮茶, 𠮶种久违嘅味道, 真系令我百感交集.......熟悉的伙计只剩一人, 但味道却依旧令人回味!嚟到凤城, 识饮嘅一定饮普洱, 第一样画嘅点心梗系我至爱嘅灌汤饺($29/2只), 出面而经好少酒楼整呢款传统灌汤饺, 虽然个皮厚咗少少, 但系入面嘅料系好足, 汤汁会爆晒出嚟, 记得要加少少醋吊番D味呀, 咁就食到lam lam 利!!!再嚟嘅就系爽肚, 大碟到呢.......样靓味道正, 而且一D都唔靭!!个燸米鸡成个荷叶饭咁嘅size, 入面又多料(鸡, 烧肉, 冬菇......), 如果一个人嚟, 食完已经走得...生肠系另一必食推介, 好爽脆~
自从嫲嫲走了之后, 虽然日日都经过凤城, 偶然亦会撞到由细睇到我大的郷里伙计, 但系都已有多年没去饮茶, 今日再次踏进凤城去饮茶, 𠮶种久违嘅味道, 真系令我百感交集.......熟悉的伙计只剩一人, 但味道却依旧令人回味!
嚟到凤城, 识饮嘅一定饮普洱, 第一样画嘅点心梗系我至爱嘅灌汤饺($29/2只), 出面而经好少酒楼整呢款传统灌汤饺, 虽然个皮厚咗少少, 但系入面嘅料系好足, 汤汁会爆晒出嚟, 记得要加少少醋吊番D味呀, 咁就食到lam lam 利!!!
再嚟嘅就系爽肚, 大碟到呢.......样靓味道正, 而且一D都唔靭!!
个燸米鸡成个荷叶饭咁嘅size, 入面又多料(鸡, 烧肉, 冬菇......), 如果一个人嚟, 食完已经走得...
生肠系另一必食推介, 好爽脆~~~
另外重叫咗凤爪, 鸡札, 煎肠粉
特别推介咸水角同枣茸糕(食到唔记得咗影), 咸水角个皮脆内软, 正到晕, 枣茸糕就烟烟靭靭, 枣味浓郁, 不过切记唔好佢一放低你就食, 因为太热的话就食唔到烟靭的口感, 唔好咁心急!虽然好多人话凤城嘅点心贵, 但系我觉得佢系俾足料而且份量十足, 嚟得呢度就唔好谂住食环境同招呼, 凤城并唔系好似其他酒楼有大大集团系后面支撑, 以一间每日11pm就可以拉闸走人嘅酒楼能够迄立到今时今日, 真系一D都唔容易(说真的, 对面粤华酒店内的酒楼都已经转咗N咁多次手)
张贴
