盈好(客粵)海鮮酒家 (已結業)

今次系第二次食呢间不过冇带相机有几味菜我觉得系要推介下梅菜扣肉，食过两次，第一次食个印象好深刻，肉同油层次分明，入口有得咬又香，个梅菜都可以食两碗饭。啫啫通菜煲，用左d润去整，好野味，怕高胆固醇就唔好食d润啦。盐焗鸡，鸡味一般，但系盐焗得唔错。东江豆腐，唔算特别深刻的，但也要一试。小炒王，送啤酒的选择，少少辣味，唔错的。服务一题: 我觉得佢地服务唔错，因为第二次去食个梅菜扣肉既时候，肥油太多，我地同个经理讲，虽然佢答左一个我地都O咀既答案"果d系煮完个菜既油黎架"。但系后来我地坚持要换，佢都入左去厨房睇，再话番我地知，成批货都系差不多，建议我地换另一个菜。可能有人会话我地唔识食，但系个人口味既野，入唔到口就系入唔到口。价钱黎讲，算系fair。不过去之前最好订位，因为佢地方唔多，晚饭时间好爆。