老川皇

营业中

休息中

呢间店子小小，但经常都几多人帮衬，之前有食过，水准不俗，可以写吓。黄金时段，真系坐到门口的。好彩已经入秋，室外食川菜亦唔会太热。门口挂有大菜牌，标明了午市套餐的价钱，五十左右包饮品，都几实惠。干扁四季豆 $65一般的干扁四季豆会带有肉碎，而且十分油腻，食头几啖 ok, 底层就怕怕。呢间只用上梅菜和四季豆，没有肉粒的，亦唔油，从头到尾都食到好干爽。梅菜炒干了，咸咸甜甜好香好惹味。四季豆条条新鲜清脆又爽口，系我食过最正的干扁四季豆。樟茶鸭 （例）$58好香的熏鸭味，干身冇乜汁，但鸭却完全入味。鸭比较瘦，几乎没有肥膏油脂。唔太清楚点煮，但食到佢有啖啖花椒八角等的卤水味，用来送酒应该相当不错。干锅田鸡 $98有个火 hit 住的干锅，份外热辣。多辣椒，多麻子，多洋葱，十分惹味。唯一系D田鸡切得太碎，索左多汁，好辣，亦食到有点累。不过味道实在是不错的，久违了的好川味。冻柠乐 $19够大杯又多冰，系食辣野的好伴侣。店子虽小，枱櫈已经全舖满，但餐厅亦唔会为左做多转生意而要求客人坐迫D。一般细 size 的四人枱，两位坐左之后亦没有被要求搭枱，呢点相当抵赞，所以实际坐位还算是寛敞的。