La Mensa Grill & Bar (Oasis Place)

营业中

休息中

九龙城食泰国嘢就去得多，今次同同事过嚟启德𠮶边做嘢，提早完成，大家都咁岩冇嘢做于是决定先饮杯嘢happy hour 轻松一阵先回家，估唔到呢度都揾到一个几chill嘅餐厅！虽然餐厅外嘅景色系一个建筑中的楼盘，但系里面嘅装修都唔错，而且又几新净，几有气氛。可能去到嘅时间比较早，出边仲有啲外国人坐喺度一齐饮嘢，好有渡假feel。好开心！好耐冇饮过Leffe，而且够大杯，去到嘅时间仲可以享受Happy Hour价钱新西兰白酒煮青口 海蚬啲蚬几大只，煮得几香。韩式鸡翼本身见到啲鸡翼以为干争争，鞋霎霎，原来几脆皮！而且个韩式酱汁，好惹味，少少辣，相信怕辣嘅人都接受到嘅，我同事仲好钟意Prosciutto e funghi pizza 有得拣厚批定薄批 水牛芝士都几够份量，而且好多火箭菜，好啱食！我好钟意！