嘉頓咖啡店

营业中

休息中

之前睇过饮食情报，话深水埗嘉顿有鸡批食，经开深水埗睇电脑野，初时惊假日唔开，不过行到附近就行上去睇下啦！好彩都有开，行入去会见到所有嘉顿产品，相对系大型超市卖既平少少，行入d仲有个微型博物馆，睇番以前有d产品。行完一轮，坐低食野，佢有新鲜出炉既提子玉桂卷、椰挞，呢d可以散叫，至于蛋糕同馅饼如鸡批就要叫套餐先得，反正都系坐低食，叫左个鸡批+咖啡，虽然唔系即制，不过佢都会即刻焗番热，所以都要等一阵先有。有得食勒，虽然系纸碟装住，不过有张劲classic既通花垫纸，好有细个去茶餐厅食蛋挞、鸡批既回忆，真系焗到热辣辣，队长掂一掂个锡纸兜都真系辣手，鸡批个面系甜甜地既，虽然个批唔算好胀，不过个挞皮都厚薄适中，里面都算几多馅，而家呢种港式鸡批真系买少见少勒～咖啡我有少少surprise既，我初时以为是但比杯三合一咖啡你，原来都叫做比杯即磨咖啡你，仲要比兜奶你自己落，虽然唔系咩靓咖啡，但都尚算有d诚意。唔钟意食咸味馅饼，可以试下蛋糕，睇住个旧式旋转蛋糕柜放满蛋糕，真系好吸引，即刻谂番起细个会望住蛋糕柜既蛋糕系甘转，望到唔舍得走。