味道樂居酒屋 (元州街) (已結業)

好耐无去过居酒屋食日本料理啦～今晚我哋叫咗一款主食同几款小吃当店员上鳗鱼饭嘅时候，我同朋友都即刻眼定定呢！因为真系好大份，鳗鱼口感滑嫩，又唔会觉得油腻，两至三个人share都可以呀！我哋仲叫咗七味唐扬鱿鱼须，炸得啱啱好，脆卜卜，一路食一路倾计，再加埋水果酒，甜甜哋易入口，好似去咗旅行咁，好悠闲呢～另外，仲叫咗煎广岛蚝、寿司同刺身，第一次试烟肉樱花虾煎广岛蚝，估唔到味道都好夹，而鱼生都好新鲜呀，见到油脂分怖都好均匀～本来仲想食串烧架，不过已经好饱啦，下之嚟倾计先再试噜～