下町天丼 秋光 (已結業)

第一次寫食評，請多多指教。呢間秋光最近成日係fb見到廣告，今日去灣仔上堂，一於趁lunch時間去試下～一入到去見好多人都訂左位，好彩我自己一個，就walk-in坐左吧枱。menu夠簡樸，我亦好快揀左個天丼定食-呂。等左無耐就黎左前菜，分別有個燒牛肉沙律同食落質地似海草既物體。海草酸酸地好開胃，燒牛肉有驚喜，好好食，又嫩又好香牛味～令我好期待主菜主食黎啦，好香，影完相趁熱食。一咬落去，好鍾意半淋半脆既感覺（因為有汁），再加上呢種炸漿，令我諗番起去日本旅行去天婦羅老店食既味道價錢唔平，大約係日本食既1.5倍，不過都好大份，唔單止蝦大，魷魚野菜餅勁多魷魚又大粒，每粒差唔多半隻麻雀咁大，再加上原條海鰻，食完真係連我呢個大肥仔都覺得好飽第一次食海鰻天婦羅，果種感覺真係好幸福雖然食完有d濟😂最後仲有飯後果同餐茶，飲飽食醉就走人lu~要讚既係雖然岩岩開店又多人，侍應姐姐忙到踢哂腳都仲好好笑容同有禮貌，抵讚！！！加油