風雲丸 (已結業)

平时都食拉面多，沾面都系以前喺周玥食，但坐低见到佢哋嘅Menu有石锅沾面，所以就决定试一试。一上枱，个沾面汁真系热辣辣，系咁滚。至于个面，有三个份量可以拣而不用额外收费。面条好烟银，叉烧肥瘦适中，豚肉味香，糖心蛋就冇乜特别。好欣赏佢嘅面条好挂汤，浸一浸，已经好入味，个汁唔会太咸或太稀，几出色。我哋另外仲叫咗个炸鸡同煎饺，两样野都好香脆，有意外惊喜。咁食法，都只系$300有找，以呢个质素同份量来讲，简直系物超所值，值得encore。