旭川日本料理

营业中

休息中

星期六下午，同侄仔補完習，我就同佢黎左旭川。大約三點，竟然冇人客，座位任選，真好呀！我地兩個都唔係話好肚餓，於是叫左兩碗拉麵。叉燒拉麵$48身為中學生的侄仔話，食落無乜特別感覺，就係典型港式拉麵。佢亦都話覺得好重麻油味同有好多芝麻。佢又問我點解咁多昆布同栗米，食極都食唔完咁。吉列豬扒拉麵$48好搞笑，碟豬扒同碗麵隨左幾分鐘咁先後上。我一食拉麵，就有種久違的感覺，呢碗麵直頭就係我本人N年前在吉之島food court食的拉麵味道！！侄仔當然聽唔明我講咩！豬扒非常乾，好難入口，我食唔晒，分左比侄仔。整體而言，呢餐不過不失，冇期望就得。價錢合理，店員服務態度OK，唔駛加一，算係咁。