影片
更多
2009-04-18
11 浏览
17-4-2009又到湾仔开餐, 今次拉了朋友0黎到呢间港式西餐厅, 因为 Yan 食评提及的 Eggs Benedict 实在太吸引 但原来夜晚无得供应, 结果要了两款 menu 上「推介」食物的套餐 --「红酒烩牛尾」(跟汤及饮品) 及「泰式蜜洞鸡饭」(跟汤).餐汤拣了「西式」的罗宋汤, 有大量西芹, 椰菜, 红萝卜之类, 茄膏的酸呛味突出, 少少辣, 果然系典型港式西餐「红汤」的味道.朋友饮「中式」例汤, 唔知住家唔住家?朋友的「蜜洞鸡饭」其实系「泰式海南鸡饭」, 不过 1) 鸡肉唔够滑, 鸡皮稍厚又咸咸的, 味道似「去骨潮州咸鸡」(潮州咸鸡又系点: http://www.openrice.com/restaurant/commentdetail.htm?commentid=1908964) 多 d, 可以更好; 饭系白饭红米「两沟」, 不过作用不大, 而且比较干削, 麻麻0地; on the side 的两色酱就最唔掂, 黑酱油劲甜味道又怪怪的, 酸辣汁唔辣, 劲酸呛, 亦唔多新鲜, 唉. 红酒烩牛尾配蒜蓉包 (亦可选白饭) 就好好多 -- 蒜蓉包够蒜香牛油香又脆口, 空
又到湾仔开餐, 今次拉了朋友0黎到呢间港式西餐厅, 因为 Yan 食评提及的 Eggs Benedict 实在太吸引 但原来夜晚无得供应, 结果要了两款 menu 上「推介」食物的套餐 --「红酒烩牛尾」(跟汤及饮品) 及「泰式蜜洞鸡饭」(跟汤).
餐汤拣了「西式」的罗宋汤, 有大量西芹, 椰菜, 红萝卜之类, 茄膏的酸呛味突出, 少少辣, 果然系典型港式西餐「红汤」的味道.
朋友饮「中式」例汤, 唔知住家唔住家?
朋友的「蜜洞鸡饭」其实系「泰式海南鸡饭」, 不过 1) 鸡肉唔够滑, 鸡皮稍厚又咸咸的, 味道似「去骨潮州咸鸡」(潮州咸鸡又系点: http://www.openrice.com/restaurant/commentdetail.htm?commentid=1908964) 多 d, 可以更好; 饭系白饭红米「两沟」, 不过作用不大, 而且比较干削, 麻麻0地; on the side 的两色酱就最唔掂, 黑酱油劲甜味道又怪怪的, 酸辣汁唔辣, 劲酸呛, 亦唔多新鲜, 唉.
红酒烩牛尾配蒜蓉包 (亦可选白饭) 就好好多 -- 蒜蓉包够蒜香牛油香又脆口, 空口食都已好好食; 牛尾烩得入味, 瘦肉软熟, 连筋的部分一样腍, 正! 「红酒」汁就当然无乜酒味啦, 不过酸酸香香好开胃, 都几好食; 红萝卜就略嫌唔够腍.
餐饮系热奶茶, 呢个好0岩饮 -- 茶味香, 好滑, 好过唔少茶档/茶记㖞!
环境及招呼就系扮西餐厅的茶餐厅, 不过食物 ok, 唔错的平平0地选择.
下次再食 Eggs Benedict.
张贴
