影片
更多
2015-04-07
5339 浏览
作为一个现代人，你谂唔谂得起你上一次食饭完全唔掂电话系几时嘅时？要食一餐饭，纯粹系朋友坐埋一齐倾计，享受嘢食，其实好难。好耐之前「对话体验」已经有"暗中夜宴"，但基于好多原因一直去唔到试，跟住仲唔记得埋；到最近无意中睇到有报导讲起中环有餐厅有呢种体验，即刻约朋友去试。约左7点，由地铁站行上去其实都唔算远，喺Dragon i 侧边楼梯上再向左行，但我地两个热血女子行到身水身汗，一入到去就即刻叫杯嘢饮先。我地先喺"lobby"坐低，拣menu (3/4/5 courses 同饮咩)，host同时会问你有冇嘢唔食，要留意，佢嘅意思系食物敏感而唔系有咩你唔钟意食；跟住去洗手间(最紧要洗手)，当我地ready就由个host带我地去locker room放好个袋。个locker好细，如果拎大袋或背囊可能只可以锁住银包电话等细件嘅贵重物品：个friend带左个A4 size嘅 clutch，要折几下先塞到入去！同埋咁啱我地两个都冇衫袋同裤袋，locker key差啲唔知放边好(结果勾住喺只手鈪度)。搞掂之后，个host就将我地交俾今晚负责service嘅Keith，由佢带我地入餐厅，坐低，铺餐巾，斟
约左7点，由地铁站行上去其实都唔算远，喺Dragon i 侧边楼梯上再向左行，但我地两个热血女子行到身水身汗，一入到去就即刻叫杯嘢饮先。我地先喺"lobby"坐低，拣menu (3/4/5 courses 同饮咩)，host同时会问你有冇嘢唔食，要留意，佢嘅意思系食物敏感而唔系有咩你唔钟意食；跟住去洗手间(最紧要洗手)，当我地ready就由个host带我地去locker room放好个袋。个locker好细，如果拎大袋或背囊可能只可以锁住银包电话等细件嘅贵重物品：个friend带左个A4 size嘅 clutch，要折几下先塞到入去！同埋咁啱我地两个都冇衫袋同裤袋，locker key差啲唔知放边好(结果勾住喺只手鈪度)。
搞掂之后，个host就将我地交俾今晚负责service嘅Keith，由佢带我地入餐厅，坐低，铺餐巾，斟水全部嘢都要喺黑暗之中自己处理，感觉好新奇，但冇想像之中咁困难。
我地食嘅系4 courses menu，有前菜、汤、主菜、同甜品。每放低一碟食物，Keith都会先问我地摸唔摸到个碟，make sure我地ok佢先离开。枱上面有餐具，但用唔用就随便你，我地今次全程用手，一黎觉得黑麻麻都冇咩所谓(不顾仪态)，二黎喺希望用手感觉下系咩食物。的确，熄左你嘅视觉功能之后，你对味道嘅感觉会强烈咗嘅。
先上第一道菜 amuse bouche：有4件不同嘅小食，其实就咁摸你都会觉得佢嘅plating都细心，每件之间分得几开，唔好俾啲汁沾到另一个食物，其中一件tuna做得好好，好想食多件~ 第二道系汤同埋沙律：汤会附上饮管，但唔会过热令你啜唔到，另外当中有个菠菜puff好好味！第三系主菜，分别有脆皮鸡同鱼，鸡好好食，皮脆肉嫩，但个鱼就有啲鞋同腥，后来先知原来系yellow tail。去到甜品，有sorbet、啫喱、曲奇饼同蛋糕。个啫喱个味好奇特，好清新嘅感觉，但又讲唔出系咩味，其实系芦荟！佢个个星期都会换menu，所以以上都系仅供参考，而味道方面overall系唔错嘅，但你唔好expect入去系食大块肉，因为佢嘅形式会好似petit 4咁，有几种唔同嘅item。我觉得佢好嘅地方系明明有啲嘢你系唔食，但因为睇唔到然后你食咗，跟住又发觉其实都ok好食。
食完之后会去返lobby，host会介绍返头先你食左啲咩，见到相入面嘅食物加埋佢嘅讲解，有时都会发出"哦"、"系㖞"呢啲咁嘅comment。
张贴