Le Dessert Palais (已結業)

意粉好多地方都有得食,但有返咁上下水准既就难遇到,一般茶餐厅意粉卖点系份量,通常都会煮过时间淋哂😔，今日见有d时间一于黎试下呢间装修得咁靓既甜品店先,你冇听错呀…佢而家有埋意粉同pizza,多d选择,扩濶客路,good job👍👍,加上有张咖啡coupon,一于慢慢叹😉。今次叫咗个带子意粉,卖相几好,而份量就.........比我想像中少,好彩我咁啱又减紧肥,意粉煮得时间啱啱好,亦食得出有用盐烚过,带子好细粒呀🙈🙈🙈,计计埋埋唔知有冇食到5粒,其实意粉个味道我欣赏呀～系配料差咗d啰,用咁细粒既带子,至于杯咖啡呢.....唔知系咪因为免费,所以心理上觉得冇咁好饮,同埋佢哋话免费送冇比奶,只可以比糖。