醉瓊樓飯店 (西貢街)

营业中

休息中

妈妈假传M先生口喻，话呢间客家菜好味。不过我都想去，一试无妨。4人餐其实平啲，但我想饮鱼蛋汤，所以散叫。要咗4样𩠌。盐焗鸡好有肉又唔肥，少少咸味，要点沙姜粉。梅菜扣肉软腍入味，一啲都唔腻。客家杂锦煲有鲩鱼丸、牛丸、猪肉腐卷、猪肚、猪肉、鱿鱼、豆腐、白菜，非常丰富，全部都好味，汤底有胡椒够香。虾酱炒鱿鱼通菜，惹味咸香。姐姐招呼几好，等我影埋相先汤比我哋。啲普洱茶好滑唔涩，$5一位茶钱好抵。不过坐响出菜位张枱，有啲迫又多人行嚟行去，原本订位留咗楼上卡位好啲，但妈妈唔想行楼梯冇办法。